close
---- 27M 今日到左新玩具，要立即拆黎玩，我冇開哂俾佢玩，另外訂左啲書，追住我地讀。（今朝飲完紙包奶出去，見到華田食早餐，佢又食，食左一啖蛋，即反胃，以為佢玩野，佢再反到兩聲，堅嘔左啲蛋同泡，叫佢咪食，仲笑）
---- 27M1D 今朝出去食野忘記帶鎖匙，去搵佢婆，佢話話佢婆知「媽媽唔記得帶鎖匙呀」叫佢幫手整pizza，舖餸，先舖至愛蝦，跟住每樣都落啲，好認真唔出聲。（佢爹哋病倒了，走左去佢嫲度，又懶係朋友傳染，之後就懶星期日游水，又話我唔知道凍![[哼]](https://imageproxy.pixnet.cc/imgproxy?url=https://img.t.sinajs.cn/t35/style/images/common/face/ext/normal/49/hatea_org.gif "[哼]")
如真係凍，佢唔走都抵死丫，即叫海晴早啲瞓，9：15瞓左）
---- 27M2D 今早襯未落雨點左佢出去買早餐，之後返黎食，食完同佢一齊整朱古力曲奇，我磅好野叫佢倒，跟住用mixer攪，佢真似模似樣，又一齊打蛋落去，跟住「不」出黎，最後叫佢將佢至愛提子乾朱古力擺上面，佢好俾心機同埋唔出聲，個樣好認真大個（之後佢爹哋食左，大讚好味，佢即側哂頭怕羞笑）馬賽克貼貼到左，叫佢貼送俾我，但不能一氣呵成，冇耐性，分兩次貼，跟住送俾我，我話好靚，要貼起佢，佢即搵膠紙俾我，佢貼好後即同我講「媽媽電話影相」之後又攞我相機影，再左貼右貼話「咁樣仲靚」（我串jayla, mama, cat, dog, ball佢都識答，我再串daddy,佢即答我dog，好笑![[哈哈]](https://imageproxy.pixnet.cc/imgproxy?url=https://img.t.sinajs.cn/t35/style/images/common/face/ext/normal/6a/laugh.gif "[哈哈]")
）
---- 27M3D 今日我再同佢返學，因想華田去買餸，返到學又扮大姐姐，俾玩具俾小朋友，上到尾聲，阿sir叫佢講「for u」唔肯講，要我叫左佢幾次先肯講，硬頸 (叫佢幫手，即立即跑過黎，就係叫佢meet菜，同佢講要咁咁咁meet，佢話「嗯...嗯...知」，又好認真，到佢meet完，仲搬張櫈黎睇下仲有咩幫手。今晚我煮飯，佢都食好多。)
---- 27M4D 今日返學，早左上去，老師彈結他叫人入去，佢係即刻行去房，但行到一半見我唔去，想喊叫我入，我有入啦。差不多最尾有個環節，得小朋友圍住呼啦圈，我特登離遠佢，但又俾佢見到，咁佢都冇嘈，玩完返埋黎我度。（去左花園街，啲人又食煙又空氣污濁，我同海晴不停黑嗤，希望冇事）
---- 27M5D 今日去食lunch buffet，初初都吽吽地，之後龍精虎猛。之後行街小睡片刻，再搭巴士返屋企，去左大半日街，超開心啦。（今日好多新pose, non stop好勁，同埋今日我唔駛勞氣，佢好乖合作![[赞]](https://imageproxy.pixnet.cc/imgproxy?url=https://img.t.sinajs.cn/t35/style/images/common/face/ext/normal/d0/z2_org.gif "[赞]")
）
---- 27M6D 今日去產檢，佢爹哋話佢有痰，之後咳到扯蝦咁，跟住不停話我好帶佢去食自助餐亂食野，唉，第時細佬出世一齊病點算？好彩返到屋企打藥肯瞓晏覺，見佢冇乜痰同咳了，出去食中菜，仲食好多野，由頭帶到落尾，根本食得瞓得，少少咳小病啫 (忘記講，要讚下佢，之前佢口生菲滋話痛，同佢講唔可食薯、片餅，有日我食薯餅，佢話食，我話佢生菲滋即刻佢冇話食。而家有痰咳咳，話唔可飲凍野、食雪糕、食西瓜，佢真冇話要扭食，肯戒口)
---- 27M1W 今朝又要同我去威院產檢，去到等入房又嘈要走，45分鐘叫左5次走，入到房照結構，照到一半覺得好不安又怕黑，喊，華田捉左佢出去。之後不停話佢，下次留佢係屋企由得佢喊，佢話「唔好呀，sorry mama」之後返屋企沖涼食飯，睇新碟，食多次藥瞓兩個鐘晏覺(變左夜晚好精神，九點見麵包出爐又話要食，入房講故事又唔正經，要幫我揭書。到瞓又走過黎攬我，我反攬佢，佢咪咪咀笑，以為佢瞓左，抱番佢瞓自己位，佢話「要媽媽攬住」，原來仲未瞓，我背住佢叫佢攬我，佢放隻腳上我腰一陣就瞓左，同我一樣被攬係瞓唔著，要背對背先瞓到)同佢爹哋講起，佢個囡真算好乖喇，話食藥病病唔食得，佢真係唔食，佢爹哋即話佢知海晴好乖又唔貪心，原來琴日去一田買玩具，佢已揀中了，佢嫲叫買多個另一款玩具，佢話唔要，只要手上果樣，又話當佢想要，會先望住你，等你點頭先去攞，真係好乖![[爱你]](https://imageproxy.pixnet.cc/imgproxy?url=https://img.t.sinajs.cn/t35/style/images/common/face/ext/normal/6d/lovea_org.gif "[爱你]")
![[爱心传递]](https://imageproxy.pixnet.cc/imgproxy?url=https://img.t.sinajs.cn/t35/style/images/common/face/ext/normal/b8/aixincd_org.gif "[爱心传递]")
---- 27M1W1D 今日冇食藥了，係屋企食早餐，叫佢跟華田出去買餸都話唔去，問佢想食乜，佢話食「南北杏」，笑屎我。晏晝話要整pizza，就整pizza俾佢舖餸，佢心急啦，舖好多又要舖哂為止。佢爹哋話佢得戚左，我就覺得好多衫佢已唔啱著了。
---- 27M1W2D 琴晚23：00發惡夢醒左，又係華田姐同佢玩到癲啦，佢醒左喊指住後面牆角位喊，我問佢見到乜呀？佢話「紅色，嗚嗚![[泪]](https://imageproxy.pixnet.cc/imgproxy?url=https://img.t.sinajs.cn/t35/style/images/common/face/ext/normal/9d/sada_org.gif "[泪]")
」，跟住佢爹哋走入黎問咩事，我話佢聽佢囡指牆角，但我果陣唔驚覺好好笑。今朝話返俾華田聽，嚇下佢都好，晚晚同海晴玩咁癲，至怕佢喊跟住有機嘔。今日不停講野，又扮細聲講野，嚇到華田丫，玩finger print中意唧同攞布抺枱，抺得好乾淨。整pizza整上癮，又話要整，今日食返pizza，第一次食哂一件仲話好好食，因為係佢整嘛。夜晚再整兒童餐佢食，佢話好靚，又係食左熊仔先，跟住菇菇，先肯食飯，叫佢食哂飯先可食車厘子，佢忍到口 (琴日油顏色，佢油得密左，同埋冇出界，跟住我地激讚佢，佢即神情鎮定繼續油，但又想笑咁。)
---- 27M1W3D 傻左，呢幾日沖涼完出黎，拎住支牙刷刷，當奶咀嗎？(lemon tree mr lee冇做，改左個老miss，聽聞話海晴都中意佢既，咁返多一個月好冇呢？但佢爹哋話叫佢抖下，都啱既，下個月又返畫畫班）
---- 27M1W4D 今朝晨早又話去街，終等到夠鐘，出發食野返學，同証証坐火車，初初勁內斂，唔出聲唔講野，差唔多落車先熟落。上堂都好專心，點左華田去攞相，海晴冇見華田兩個鐘，華田問佢野，佢都唔睬，唔知係嬲左佢
---- 27M1W5D 今日諗住帶佢去同10月媽媽聚，去到冇耐就話要搵爹哋，即叫華帶走佢，轉頭佢爹哋話佢搵我，佢係爹哋果邊喊好過留係我度喊，阻住我傾偈，結果咪冇事，好肯跟爹哋。去爺嫲度做節，對住少見親戚，初初勁生寶，跟住佢婆黎左，痴實佢婆，連我同爹哋都唔搵，爽。（食到季季紅乳豬，可能我中意食乳豬又少食，覺得不錯，但對滿懷期望既人就會覺得不外如是）
---- 27M1W6D 今朝爹哋一早去遊船河，佢爺嫲黎接我地食早餐，一上車就話去西貢，見狀態幾好，我話好。行錯路左兜右兜搵車位，成個鐘先到。去飲唐茶，佢爺一坐低問食咩包？澳洲定加拿大？我以為佢問叉燒包定奶黃包，佢嫲話晏啲先食。之後周圍行，玩下吹波波，去下公園。真有無窮無盡精力，同佢嫲鬥快跑又周圍跳，學識了單腳跳，平衡力不錯，跟住兩點幾去食海鮮。三點半坐車走，以為佢會瞓，返到屋企沖左涼，仲出露台玩吹波，之後佢同我講瞓覺，話要飲奶，佢飲完即瞓，五點瞓左個半鐘，叫華田煲節瓜瑤柱粥，結果煲飯仔，但佢食好多，到夜晚十點都可以瞓得著，冇推遲。
---- 27M2W 今日同佢朋友仔食飯，好快已玩埋一堆，完全冇隔膜，去到後期个爭野玩。買埋圈圈筷子，等佢學返正統，當我攞左幾粒花生放落兜俾佢夾，再繼續搵花生時，佢已夾完兜過兜了。
---- 27M2W1D 今朝俾個$5英女皇果邊問佢係咩黎？佢答我「queen」，我好意外，因為好少同佢講呢個字，跟住佢擰另外一面話「no. Five」，平時只講「five」而家多左number，真係有時講佢聽，佢會不知不覺學到 (今日去左icon buffet，果然啲野食幾好味喎，佢由揀衫話要著裙，心情都大靚。食飽去影相，識得雙手
扮白兔，越影擺pose越自然。之後帶佢行去佐敦，佢都好乖拖住，又冇扭要抱或話攰，真係有得出街就乜都得。係巴士中中下瞓左，搞笑)
---- 27M2W2D 今朝諗住趕出去食餐蛋菠蘿包，又係等華田姐，去到冇得食，第二間有，但麻麻地。之後同海晴去圖書館，一去到兩眼發光，我話呢度唔係playroom，唔可跑唔可大聲講野，佢初時攞書，行去坐唔夠幾秒又起身，攞第二本，之前行來行去。後尾我揀書講佢聽先坐得定，講完叫佢放返原位。夜晚去忠誠食生日飯，爹哋泊係樓下車突然撻唔著，要call車，我地搭的士入去食。佢全程跟住佢婆，去程仲唔俾佢爹哋抱。(氹完海晴瞓覺，見到華田剛抺完地，我地刷牙，佢等洗廁所，希刷完牙出去問佢做咩發呆諗緊乜，佢先講話整爛我個膠墊，跟住佢話煲水落去倒垃圾，上黎見到煙（當時我地全部入哂房），又係放野近爐頭，我覺得最有問題，佢開左火行開左，如果唔係倒垃圾，上左去慢手慢腳做野，唔想生日正日死係佢手上)
---- 27M2W3D 琴日整相簿，佢見到迪士尼相，講話「我要去呢度呀」。今日放學返黎，食埋飯，突然收到isaac媽媽話去迪士尼，佢聽到即大叫大跳「好耶」。但去到玩木馬玩到一半話怕要走，話唔玩維尼，唔玩小飞象，唔玩巴斯，問佢黎迪士尼做乜？佢話要同Mickey minnie影相 (跟住玩自閉，遮住自己，唔俾人望佢。後尾都係食下野行下商店，捱到1八點睇煙花，叫華田姐抱起海晴睇，佢又跟住Isaac ma行去前面，結果我自己睇，海晴唔係我身邊。睇完海晴喊住搵我，華田話佢係臨尾果下巨響嚇親，妖，係我攬到佢實一實，唔會俾佢嚇親。)
---- 27M2W4D 今朝換衫出去食野返學校，叫佢係房拎bell，佢雙手攞左張被出黎，我話要bell唔係blanket，佢即刻左手伸出bell，個樣仲好似話我攞左啦。我話佢玩我，佢好得戚樣 (今日最後一堂，都幾投入，搖哂身唱歌，之後玩圍圈跳舞，佢行前左，有個小朋友拖佢，佢照俾人拖，一齊跳舞，完全冇望過我，之後話佢自己返都得，佢話唔好，要媽媽。跟住襯未3號波即去教協買野，買完野即搭的士返，好彩仲未落出雨)
---- 27M2W5D 瞓醒已落哂風球，出去食野，再返屋企逗留一陣，出左沙田玩具反斗城，佢又睇左波，行左一個圈，佢爹哋話想買小童單車俾佢，佢一上車試行左幾個圈已唔想走，氹左佢食野先，行完街，佢爹哋話都係買，之前minnie都貴都買左。去到原來話要砌個半鐘，即走，佢想喊扁哂咀。(呃佢話冇貨，佢都肯走，但仍死心不息話「我要bicycle」。去夾包又俾糖佢，冇再提。佢爹哋返大埔墟單車舖帶佢去揀，原來單車舖都要七百幾，叫佢揀紅色，我想細佬都可用得番。佢見買俾佢，紅色都話好啦，跟住靜靜睇人地安腳踏，一上車冧冧咀笑哂，踩左好多個圈，返到屋企都要踩，識自己上落車。)
---- 27M2W6D 一早瞓醒就話要踩單車，出去食完野，踩左一陣就話要去搵b do「不」沙沙。一點鐘出發，已經好興奮咁，去到順利有車位又有樹陰，佢地就「不」沙，我地拎漏左海晴泳衣、毛巾同衫褲，又好彩佢爹哋有拎多條毛巾同保暖衣，b do有多條泳褲。但佢怕浪，唔肯踩水出海，要騎爹哋膊頭去海中心。(之後唔迫佢，由佢係度玩沙玩泡泡槍。不停飲野，係食百力滋，其他冇包、蛋糕乜點食。玩到五點走，兩個小朋友仲好開心，係車唱歌，b do唱歌或講野，海晴不停笑，收唔到聲咁，搞笑。直接買外賣返屋企，話佢食好多米線，之後食埋西瓜，玩陣食奶，九點幾瞓左了)
---- 27M3W 今朝同爺嫲食餐，之後上去爺嫲家踩單車同攞手信。佢爹哋返左屋企，我地係爺嫲家逗留到食下午茶，再踩單車返屋企。跟住到爺嫲逗留我地家至晚飯時間，再一齊出去食。發現佢只肯同嫲玩，佢爺痴埋佢度，佢就好抗拒。(明明都不停食野，六點幾食飯，係度扭「粥粥係邊？」，果間又激死，俾哂冷盤又唔俾粥，佢就食魚、蝦餅、墨魚，狂質落口，食到咁上下話飽，返到屋企可食哂一個橙。)今朝海晴食早餐好醒指住太陽穴位，話俾爺爺聽整到，我即講華田前晚同海晴沖涼，俾佢跣腳撞落廁所度，我老公仲翻譯番華田賴海晴自己跌，好彩佢已捉住海晴喎，明明係佢同佢抺身冇做足防滑。老爺即時好不滿華田，仲話係呢度做先俾佢學野，出到去俾人狂丙。
---- 27M3W1D 今朝6：00起身話有殊，跟住醒哂食奶後唔瞓，到6：45先瞓著。9：00醒又話食奶，跟住嘔胃氣嘔左啖奶出黎，又要換床單。之後我同海晴出去街市食野先，叫華田搞掂房就黎搵我，我慢慢食完，海晴唔餓冇食，打手提冇人聽，跟住打去屋企，仲係屋企，把鬼火叫佢唔好出，海晴好乖幫手拎野 (返到屋企，扭呢樣扭果樣，怕左佢即開冷氣，同埋肚餓。之後飲蕃茄薯仔魚湯，食雲吞，飽哂。跟住整老麵種，俾左舊佢玩，佢冧冧咀笑話，好好玩，佢真好中意整野食咁。) 今晚佢爺唔知做乜，海晴唔理佢唔同佢玩，佢話唔錫海晴，冇爺爺等等，俾阿嫲話佢同兩歲小朋友鬥氣，其實係佢爺整古作怪扮老人家行，海晴餵佢食野又作狀咬海晴手，得閒又攬實海晴，唔驚就假啦。琴晚海晴拎住本書自改內容，都係話「爺爺上天台踩單車，嫲嫲望住」。又有日瞓醒，第一句話「爺爺係邊？」
---- 27M3W2D 今朝叔公8：20打黎先叫佢起身，勁快幫佢換衫，抺面，梳頭，跟住係車著鞋，佢冇扭偈，又幾精神，可能有街去。跟住食早餐，爺爺佢地車我地出荃灣上畫畫班，9：35同人一齊開門開冷氣，10：00準時上堂，去到尾尾10分鐘，開始不耐煩，好彩間中除左油顏色都要貼下野，順利落堂。果然係要俾錢人教，先知點做，完全諗唔到出自28個月既小朋友手筆。落堂洗手，繼續係角位同chloe畫畫剪紙，可能唔受限制，玩到唔捨得走。（整起左個同海晴出世重量一樣既熊熊，原來都幾重，話佢聽，第時細佬都差唔多重，佢當正佢係細佬，又噯又拍又幫佢蓋被，溫柔樣）之後約左波兒去奧海城食野再去play town 玩。而家好似唔餓得咁，11：30就嘈要食野，叫左野食未到，問「麵麵係邊？」問左十次，食飽後即開心哂。個場啱大啲小朋友玩，滑梯又高又直又快，但佢竟唔驚，華田仲勁。（夜晚過爺嫲食飯，食飽飯飲湯，見到華田嫲執枱，佢話「幫手」，真過去幫手執碗，叻女）
---- 27M3W3D 今朝瞓醒行雷閃電，佢話怕行雷落雨唔返學，唔去街，既然佢話唔出街兼當時又好大雨，跟住冇同佢返學。全日都冇出街，同佢整麵包算了。其實晏晝都話出街，但話婆婆姨姨黎先出街，佢先冇話要出街，但不話「婆婆好耐呀，打俾婆婆先」，攞左我電話解鎖，不過禁左鐘唔係打電話
---- 27M3W4D 今朝同佢食完早餐，問佢「媽媽去買餸，華田陪你去圖書館好冇？」佢答「唔好，媽媽陪海晴去圖書館，華田去買餸」，覺得好犀利，識得代人名，再咁長句子講番出黎。去到圖書館，識得攞書同會擺回原位，但聽故事唔留心，掛住望人地做乜，佢跌左本書，有個大姐姐高佢半個身想幫佢執，但佢自己執番。晏晝又整pizza，邦邦係樓下，叫華田搵袋裝住，佢搵極都搵唔啱，海晴叫「華田快啲」，叫左幾次，華田勁大聲講「等陣先」。同之後我又叫華田準備拎俾我媽，海晴又叫「華田快啲」，華田又講「等陣先」，雖然今次冇咁大聲但都唔耐煩聲氣，我即語氣平平話華田，佢係我個囡，我可以鬧佢，但你唔得。佢今次有幫手整晚餐，cut紅蘿蔔形狀，將哈蜜瓜同西瓜「不」波波，發覺佢有哈蜜瓜就唔食西瓜同車厘子。（呢幾日成日攬我錫我，琴日錫我肚，sa do踢佢，佢成個彈起，雙手合十話「sa do say thank you」，今日我突然彈起，佢就話「sa do郁呀」，佢估啱左）琴日叫佢洗手，佢唔想，個樣勁串，唔望我，就算望我係眼眉哨我，我即刻鬧佢唔可以咁冇禮貌（又識得喱埋偷食，俾人發現擰住面笑；同埋面皮薄左，唔俾人學佢怕瘀；多人話佢唔可以咁／唔得，即喊）
---- 27M3W5D 同佢好朋友Isaac bdo去食buffet，食完返屋企仲好high，一路行一路拍個波，似藍球員，跟住又話去踩單車。返黎喊哂口話我知「哥哥撞到wati」，其實都冇乜野，但可能俾個情景嚇親。之後食完飯開始好扭，玩貼馬賽克亂貼，話佢即掉去隔離，我即刻拎起扮掉落垃圾桶，八點九趕左佢瞓覺。係車瞓左差不多一個鐘，但胃口麻麻地，食兩啖飯，飲冬瓜湯食菇、雞肉同飲檸檬茶。佢用左我個baby plus話sa do郁，我地即話佢，佢肚得飯飯、菇菇同檸檬茶，佢即偷笑（睇電視話kelly係媽媽，開心c我；無端端瞓埋黎攬住我頭話「好中意媽媽」）
---- 27M3W6D 今朝先決定晏晝去沙灘，都驚多人，如多人就可行下，所以決定去赤柱。坐車時落雨，去到停左，熱爆。泊左廣場爛地車場（$28／鐘），以為可廣場行去沙灘，放棄上返去搭的士，唔駛跳標。去到都多人，都多菲傭印傭，水清沙幼少浪，佢肯用水泡落水游，游到唔願起身唔願走。
---- 27M4W 今早八點幾起身，琴晚成十點先瞓。出街都冇咩事，返到屋企整蛋糕，冇耐性又愉食，跟住人又忟，我即開冷氣，好少少，但都扭話要出街，之後俾佢同華田的來的去買野食俾我。到五點再踩單車，第一次戴頭罩、護腕用具，唔肯除，華田話佢而家可用腳踩一個圈了，唔再係踩下停下。夜晚七點扭話肚餓，我用左8分鐘切野調味煮野，南瓜肉碎豆腐，佢初頭都好肯食，食食下又唔知扭乜，扭下飲水再倒水，鬧佢肚餓又扭，有得食又扭，跟住佢問華田係邊，氹佢快啲食，等華田落黎讚佢，結果食哂成碗。話士多啤梨酸，幫佢落練奶，話好食喎。
---- 27M4W1D 今日係爹哋生日
。出去食早餐，同佢換好衫，我係廳，佢自己係房再攞條桃紅裙加條繩出黎著，話呢個靚呀，超貪靚。幫手整爹哋蛋糕，工序繁複，幸好爹哋話好好食，好食過出面買。海晴冧冧咀笑，當正自己整哂咁。今朝食完早餐，問海晴去唔去圖書館，佢話同爹哋去，結果係佢爹哋冇耐性叫走。等到兩點幾出發去大浪灣，呢度有蘇梅感覺，沙幼水清，行過長長既沙先到水，仲要淺水，玩到日落都唔捨得走，今日玩水多過玩沙，越黎越唔怕。
---- 27M1D 今朝出去食野忘記帶鎖匙，去搵佢婆，佢話話佢婆知「媽媽唔記得帶鎖匙呀」叫佢幫手整pizza，舖餸，先舖至愛蝦，跟住每樣都落啲，好認真唔出聲。（佢爹哋病倒了，走左去佢嫲度，又懶係朋友傳染，之後就懶星期日游水，又話我唔知道凍
如真係凍，佢唔走都抵死丫，即叫海晴早啲瞓，9：15瞓左）---- 27M2D 今早襯未落雨點左佢出去買早餐，之後返黎食，食完同佢一齊整朱古力曲奇，我磅好野叫佢倒，跟住用mixer攪，佢真似模似樣，又一齊打蛋落去，跟住「不」出黎，最後叫佢將佢至愛提子乾朱古力擺上面，佢好俾心機同埋唔出聲，個樣好認真大個（之後佢爹哋食左，大讚好味，佢即側哂頭怕羞笑）馬賽克貼貼到左，叫佢貼送俾我，但不能一氣呵成，冇耐性，分兩次貼，跟住送俾我，我話好靚，要貼起佢，佢即搵膠紙俾我，佢貼好後即同我講「媽媽電話影相」之後又攞我相機影，再左貼右貼話「咁樣仲靚」（我串jayla, mama, cat, dog, ball佢都識答，我再串daddy,佢即答我dog，好笑
）---- 27M3D 今日我再同佢返學，因想華田去買餸，返到學又扮大姐姐，俾玩具俾小朋友，上到尾聲，阿sir叫佢講「for u」唔肯講，要我叫左佢幾次先肯講，硬頸 (叫佢幫手，即立即跑過黎，就係叫佢meet菜，同佢講要咁咁咁meet，佢話「嗯...嗯...知」，又好認真，到佢meet完，仲搬張櫈黎睇下仲有咩幫手。今晚我煮飯，佢都食好多。)
---- 27M4D 今日返學，早左上去，老師彈結他叫人入去，佢係即刻行去房，但行到一半見我唔去，想喊叫我入，我有入啦。差不多最尾有個環節，得小朋友圍住呼啦圈，我特登離遠佢，但又俾佢見到，咁佢都冇嘈，玩完返埋黎我度。（去左花園街，啲人又食煙又空氣污濁，我同海晴不停黑嗤，希望冇事）
---- 27M5D 今日去食lunch buffet，初初都吽吽地，之後龍精虎猛。之後行街小睡片刻，再搭巴士返屋企，去左大半日街，超開心啦。（今日好多新pose, non stop好勁，同埋今日我唔駛勞氣，佢好乖合作
）---- 27M6D 今日去產檢，佢爹哋話佢有痰，之後咳到扯蝦咁，跟住不停話我好帶佢去食自助餐亂食野，唉，第時細佬出世一齊病點算？好彩返到屋企打藥肯瞓晏覺，見佢冇乜痰同咳了，出去食中菜，仲食好多野，由頭帶到落尾，根本食得瞓得，少少咳小病啫 (忘記講，要讚下佢，之前佢口生菲滋話痛，同佢講唔可食薯、片餅，有日我食薯餅，佢話食，我話佢生菲滋即刻佢冇話食。而家有痰咳咳，話唔可飲凍野、食雪糕、食西瓜，佢真冇話要扭食，肯戒口)
---- 27M1W 今朝又要同我去威院產檢，去到等入房又嘈要走，45分鐘叫左5次走，入到房照結構，照到一半覺得好不安又怕黑，喊，華田捉左佢出去。之後不停話佢，下次留佢係屋企由得佢喊，佢話「唔好呀，sorry mama」之後返屋企沖涼食飯，睇新碟，食多次藥瞓兩個鐘晏覺(變左夜晚好精神，九點見麵包出爐又話要食，入房講故事又唔正經，要幫我揭書。到瞓又走過黎攬我，我反攬佢，佢咪咪咀笑，以為佢瞓左，抱番佢瞓自己位，佢話「要媽媽攬住」，原來仲未瞓，我背住佢叫佢攬我，佢放隻腳上我腰一陣就瞓左，同我一樣被攬係瞓唔著，要背對背先瞓到)同佢爹哋講起，佢個囡真算好乖喇，話食藥病病唔食得，佢真係唔食，佢爹哋即話佢知海晴好乖又唔貪心，原來琴日去一田買玩具，佢已揀中了，佢嫲叫買多個另一款玩具，佢話唔要，只要手上果樣，又話當佢想要，會先望住你，等你點頭先去攞，真係好乖
---- 27M1W1D 今日冇食藥了，係屋企食早餐，叫佢跟華田出去買餸都話唔去，問佢想食乜，佢話食「南北杏」，笑屎我。晏晝話要整pizza，就整pizza俾佢舖餸，佢心急啦，舖好多又要舖哂為止。佢爹哋話佢得戚左，我就覺得好多衫佢已唔啱著了。
---- 27M1W2D 琴晚23：00發惡夢醒左，又係華田姐同佢玩到癲啦，佢醒左喊指住後面牆角位喊，我問佢見到乜呀？佢話「紅色，嗚嗚
」，跟住佢爹哋走入黎問咩事，我話佢聽佢囡指牆角，但我果陣唔驚覺好好笑。今朝話返俾華田聽，嚇下佢都好，晚晚同海晴玩咁癲，至怕佢喊跟住有機嘔。今日不停講野，又扮細聲講野，嚇到華田丫，玩finger print中意唧同攞布抺枱，抺得好乾淨。整pizza整上癮，又話要整，今日食返pizza，第一次食哂一件仲話好好食，因為係佢整嘛。夜晚再整兒童餐佢食，佢話好靚，又係食左熊仔先，跟住菇菇，先肯食飯，叫佢食哂飯先可食車厘子，佢忍到口 (琴日油顏色，佢油得密左，同埋冇出界，跟住我地激讚佢，佢即神情鎮定繼續油，但又想笑咁。)---- 27M1W3D 傻左，呢幾日沖涼完出黎，拎住支牙刷刷，當奶咀嗎？(lemon tree mr lee冇做，改左個老miss，聽聞話海晴都中意佢既，咁返多一個月好冇呢？但佢爹哋話叫佢抖下，都啱既，下個月又返畫畫班）
---- 27M1W4D 今朝晨早又話去街，終等到夠鐘，出發食野返學，同証証坐火車，初初勁內斂，唔出聲唔講野，差唔多落車先熟落。上堂都好專心，點左華田去攞相，海晴冇見華田兩個鐘，華田問佢野，佢都唔睬，唔知係嬲左佢
---- 27M1W5D 今日諗住帶佢去同10月媽媽聚，去到冇耐就話要搵爹哋，即叫華帶走佢，轉頭佢爹哋話佢搵我，佢係爹哋果邊喊好過留係我度喊，阻住我傾偈，結果咪冇事，好肯跟爹哋。去爺嫲度做節，對住少見親戚，初初勁生寶，跟住佢婆黎左，痴實佢婆，連我同爹哋都唔搵，爽。（食到季季紅乳豬，可能我中意食乳豬又少食，覺得不錯，但對滿懷期望既人就會覺得不外如是）
---- 27M1W6D 今朝爹哋一早去遊船河，佢爺嫲黎接我地食早餐，一上車就話去西貢，見狀態幾好，我話好。行錯路左兜右兜搵車位，成個鐘先到。去飲唐茶，佢爺一坐低問食咩包？澳洲定加拿大？我以為佢問叉燒包定奶黃包，佢嫲話晏啲先食。之後周圍行，玩下吹波波，去下公園。真有無窮無盡精力，同佢嫲鬥快跑又周圍跳，學識了單腳跳，平衡力不錯，跟住兩點幾去食海鮮。三點半坐車走，以為佢會瞓，返到屋企沖左涼，仲出露台玩吹波，之後佢同我講瞓覺，話要飲奶，佢飲完即瞓，五點瞓左個半鐘，叫華田煲節瓜瑤柱粥，結果煲飯仔，但佢食好多，到夜晚十點都可以瞓得著，冇推遲。
---- 27M2W 今日同佢朋友仔食飯，好快已玩埋一堆，完全冇隔膜，去到後期个爭野玩。買埋圈圈筷子，等佢學返正統，當我攞左幾粒花生放落兜俾佢夾，再繼續搵花生時，佢已夾完兜過兜了。
---- 27M2W1D 今朝俾個$5英女皇果邊問佢係咩黎？佢答我「queen」，我好意外，因為好少同佢講呢個字，跟住佢擰另外一面話「no. Five」，平時只講「five」而家多左number，真係有時講佢聽，佢會不知不覺學到 (今日去左icon buffet，果然啲野食幾好味喎，佢由揀衫話要著裙，心情都大靚。食飽去影相，識得雙手
扮白兔，越影擺pose越自然。之後帶佢行去佐敦，佢都好乖拖住，又冇扭要抱或話攰，真係有得出街就乜都得。係巴士中中下瞓左，搞笑)---- 27M2W2D 今朝諗住趕出去食餐蛋菠蘿包，又係等華田姐，去到冇得食，第二間有，但麻麻地。之後同海晴去圖書館，一去到兩眼發光，我話呢度唔係playroom，唔可跑唔可大聲講野，佢初時攞書，行去坐唔夠幾秒又起身，攞第二本，之前行來行去。後尾我揀書講佢聽先坐得定，講完叫佢放返原位。夜晚去忠誠食生日飯，爹哋泊係樓下車突然撻唔著，要call車，我地搭的士入去食。佢全程跟住佢婆，去程仲唔俾佢爹哋抱。(氹完海晴瞓覺，見到華田剛抺完地，我地刷牙，佢等洗廁所，希刷完牙出去問佢做咩發呆諗緊乜，佢先講話整爛我個膠墊，跟住佢話煲水落去倒垃圾，上黎見到煙（當時我地全部入哂房），又係放野近爐頭，我覺得最有問題，佢開左火行開左，如果唔係倒垃圾，上左去慢手慢腳做野，唔想生日正日死係佢手上)
---- 27M2W3D 琴日整相簿，佢見到迪士尼相，講話「我要去呢度呀」。今日放學返黎，食埋飯，突然收到isaac媽媽話去迪士尼，佢聽到即大叫大跳「好耶」。但去到玩木馬玩到一半話怕要走，話唔玩維尼，唔玩小飞象，唔玩巴斯，問佢黎迪士尼做乜？佢話要同Mickey minnie影相 (跟住玩自閉，遮住自己，唔俾人望佢。後尾都係食下野行下商店，捱到1八點睇煙花，叫華田姐抱起海晴睇，佢又跟住Isaac ma行去前面，結果我自己睇，海晴唔係我身邊。睇完海晴喊住搵我，華田話佢係臨尾果下巨響嚇親，妖，係我攬到佢實一實，唔會俾佢嚇親。)
---- 27M2W4D 今朝換衫出去食野返學校，叫佢係房拎bell，佢雙手攞左張被出黎，我話要bell唔係blanket，佢即刻左手伸出bell，個樣仲好似話我攞左啦。我話佢玩我，佢好得戚樣 (今日最後一堂，都幾投入，搖哂身唱歌，之後玩圍圈跳舞，佢行前左，有個小朋友拖佢，佢照俾人拖，一齊跳舞，完全冇望過我，之後話佢自己返都得，佢話唔好，要媽媽。跟住襯未3號波即去教協買野，買完野即搭的士返，好彩仲未落出雨)
---- 27M2W5D 瞓醒已落哂風球，出去食野，再返屋企逗留一陣，出左沙田玩具反斗城，佢又睇左波，行左一個圈，佢爹哋話想買小童單車俾佢，佢一上車試行左幾個圈已唔想走，氹左佢食野先，行完街，佢爹哋話都係買，之前minnie都貴都買左。去到原來話要砌個半鐘，即走，佢想喊扁哂咀。(呃佢話冇貨，佢都肯走，但仍死心不息話「我要bicycle」。去夾包又俾糖佢，冇再提。佢爹哋返大埔墟單車舖帶佢去揀，原來單車舖都要七百幾，叫佢揀紅色，我想細佬都可用得番。佢見買俾佢，紅色都話好啦，跟住靜靜睇人地安腳踏，一上車冧冧咀笑哂，踩左好多個圈，返到屋企都要踩，識自己上落車。)
---- 27M2W6D 一早瞓醒就話要踩單車，出去食完野，踩左一陣就話要去搵b do「不」沙沙。一點鐘出發，已經好興奮咁，去到順利有車位又有樹陰，佢地就「不」沙，我地拎漏左海晴泳衣、毛巾同衫褲，又好彩佢爹哋有拎多條毛巾同保暖衣，b do有多條泳褲。但佢怕浪，唔肯踩水出海，要騎爹哋膊頭去海中心。(之後唔迫佢，由佢係度玩沙玩泡泡槍。不停飲野，係食百力滋，其他冇包、蛋糕乜點食。玩到五點走，兩個小朋友仲好開心，係車唱歌，b do唱歌或講野，海晴不停笑，收唔到聲咁，搞笑。直接買外賣返屋企，話佢食好多米線，之後食埋西瓜，玩陣食奶，九點幾瞓左了)
---- 27M3W 今朝同爺嫲食餐，之後上去爺嫲家踩單車同攞手信。佢爹哋返左屋企，我地係爺嫲家逗留到食下午茶，再踩單車返屋企。跟住到爺嫲逗留我地家至晚飯時間，再一齊出去食。發現佢只肯同嫲玩，佢爺痴埋佢度，佢就好抗拒。(明明都不停食野，六點幾食飯，係度扭「粥粥係邊？」，果間又激死，俾哂冷盤又唔俾粥，佢就食魚、蝦餅、墨魚，狂質落口，食到咁上下話飽，返到屋企可食哂一個橙。)今朝海晴食早餐好醒指住太陽穴位，話俾爺爺聽整到，我即講華田前晚同海晴沖涼，俾佢跣腳撞落廁所度，我老公仲翻譯番華田賴海晴自己跌，好彩佢已捉住海晴喎，明明係佢同佢抺身冇做足防滑。老爺即時好不滿華田，仲話係呢度做先俾佢學野，出到去俾人狂丙。
---- 27M3W1D 今朝6：00起身話有殊，跟住醒哂食奶後唔瞓，到6：45先瞓著。9：00醒又話食奶，跟住嘔胃氣嘔左啖奶出黎，又要換床單。之後我同海晴出去街市食野先，叫華田搞掂房就黎搵我，我慢慢食完，海晴唔餓冇食，打手提冇人聽，跟住打去屋企，仲係屋企，把鬼火叫佢唔好出，海晴好乖幫手拎野 (返到屋企，扭呢樣扭果樣，怕左佢即開冷氣，同埋肚餓。之後飲蕃茄薯仔魚湯，食雲吞，飽哂。跟住整老麵種，俾左舊佢玩，佢冧冧咀笑話，好好玩，佢真好中意整野食咁。) 今晚佢爺唔知做乜，海晴唔理佢唔同佢玩，佢話唔錫海晴，冇爺爺等等，俾阿嫲話佢同兩歲小朋友鬥氣，其實係佢爺整古作怪扮老人家行，海晴餵佢食野又作狀咬海晴手，得閒又攬實海晴，唔驚就假啦。琴晚海晴拎住本書自改內容，都係話「爺爺上天台踩單車，嫲嫲望住」。又有日瞓醒，第一句話「爺爺係邊？」
---- 27M3W2D 今朝叔公8：20打黎先叫佢起身，勁快幫佢換衫，抺面，梳頭，跟住係車著鞋，佢冇扭偈，又幾精神，可能有街去。跟住食早餐，爺爺佢地車我地出荃灣上畫畫班，9：35同人一齊開門開冷氣，10：00準時上堂，去到尾尾10分鐘，開始不耐煩，好彩間中除左油顏色都要貼下野，順利落堂。果然係要俾錢人教，先知點做，完全諗唔到出自28個月既小朋友手筆。落堂洗手，繼續係角位同chloe畫畫剪紙，可能唔受限制，玩到唔捨得走。（整起左個同海晴出世重量一樣既熊熊，原來都幾重，話佢聽，第時細佬都差唔多重，佢當正佢係細佬，又噯又拍又幫佢蓋被，溫柔樣）之後約左波兒去奧海城食野再去play town 玩。而家好似唔餓得咁，11：30就嘈要食野，叫左野食未到，問「麵麵係邊？」問左十次，食飽後即開心哂。個場啱大啲小朋友玩，滑梯又高又直又快，但佢竟唔驚，華田仲勁。（夜晚過爺嫲食飯，食飽飯飲湯，見到華田嫲執枱，佢話「幫手」，真過去幫手執碗，叻女）
---- 27M3W3D 今朝瞓醒行雷閃電，佢話怕行雷落雨唔返學，唔去街，既然佢話唔出街兼當時又好大雨，跟住冇同佢返學。全日都冇出街，同佢整麵包算了。其實晏晝都話出街，但話婆婆姨姨黎先出街，佢先冇話要出街，但不話「婆婆好耐呀，打俾婆婆先」，攞左我電話解鎖，不過禁左鐘唔係打電話
---- 27M3W4D 今朝同佢食完早餐，問佢「媽媽去買餸，華田陪你去圖書館好冇？」佢答「唔好，媽媽陪海晴去圖書館，華田去買餸」，覺得好犀利，識得代人名，再咁長句子講番出黎。去到圖書館，識得攞書同會擺回原位，但聽故事唔留心，掛住望人地做乜，佢跌左本書，有個大姐姐高佢半個身想幫佢執，但佢自己執番。晏晝又整pizza，邦邦係樓下，叫華田搵袋裝住，佢搵極都搵唔啱，海晴叫「華田快啲」，叫左幾次，華田勁大聲講「等陣先」。同之後我又叫華田準備拎俾我媽，海晴又叫「華田快啲」，華田又講「等陣先」，雖然今次冇咁大聲但都唔耐煩聲氣，我即語氣平平話華田，佢係我個囡，我可以鬧佢，但你唔得。佢今次有幫手整晚餐，cut紅蘿蔔形狀，將哈蜜瓜同西瓜「不」波波，發覺佢有哈蜜瓜就唔食西瓜同車厘子。（呢幾日成日攬我錫我，琴日錫我肚，sa do踢佢，佢成個彈起，雙手合十話「sa do say thank you」，今日我突然彈起，佢就話「sa do郁呀」，佢估啱左）琴日叫佢洗手，佢唔想，個樣勁串，唔望我，就算望我係眼眉哨我，我即刻鬧佢唔可以咁冇禮貌（又識得喱埋偷食，俾人發現擰住面笑；同埋面皮薄左，唔俾人學佢怕瘀；多人話佢唔可以咁／唔得，即喊）
---- 27M3W5D 同佢好朋友Isaac bdo去食buffet，食完返屋企仲好high，一路行一路拍個波，似藍球員，跟住又話去踩單車。返黎喊哂口話我知「哥哥撞到wati」，其實都冇乜野，但可能俾個情景嚇親。之後食完飯開始好扭，玩貼馬賽克亂貼，話佢即掉去隔離，我即刻拎起扮掉落垃圾桶，八點九趕左佢瞓覺。係車瞓左差不多一個鐘，但胃口麻麻地，食兩啖飯，飲冬瓜湯食菇、雞肉同飲檸檬茶。佢用左我個baby plus話sa do郁，我地即話佢，佢肚得飯飯、菇菇同檸檬茶，佢即偷笑（睇電視話kelly係媽媽，開心c我；無端端瞓埋黎攬住我頭話「好中意媽媽」）
---- 27M3W6D 今朝先決定晏晝去沙灘，都驚多人，如多人就可行下，所以決定去赤柱。坐車時落雨，去到停左，熱爆。泊左廣場爛地車場（$28／鐘），以為可廣場行去沙灘，放棄上返去搭的士，唔駛跳標。去到都多人，都多菲傭印傭，水清沙幼少浪，佢肯用水泡落水游，游到唔願起身唔願走。
---- 27M4W 今早八點幾起身，琴晚成十點先瞓。出街都冇咩事，返到屋企整蛋糕，冇耐性又愉食，跟住人又忟，我即開冷氣，好少少，但都扭話要出街，之後俾佢同華田的來的去買野食俾我。到五點再踩單車，第一次戴頭罩、護腕用具，唔肯除，華田話佢而家可用腳踩一個圈了，唔再係踩下停下。夜晚七點扭話肚餓，我用左8分鐘切野調味煮野，南瓜肉碎豆腐，佢初頭都好肯食，食食下又唔知扭乜，扭下飲水再倒水，鬧佢肚餓又扭，有得食又扭，跟住佢問華田係邊，氹佢快啲食，等華田落黎讚佢，結果食哂成碗。話士多啤梨酸，幫佢落練奶，話好食喎。
---- 27M4W1D 今日係爹哋生日
。出去食早餐，同佢換好衫，我係廳，佢自己係房再攞條桃紅裙加條繩出黎著，話呢個靚呀，超貪靚。幫手整爹哋蛋糕，工序繁複，幸好爹哋話好好食，好食過出面買。海晴冧冧咀笑，當正自己整哂咁。今朝食完早餐，問海晴去唔去圖書館，佢話同爹哋去，結果係佢爹哋冇耐性叫走。等到兩點幾出發去大浪灣，呢度有蘇梅感覺，沙幼水清，行過長長既沙先到水，仲要淺水，玩到日落都唔捨得走，今日玩水多過玩沙，越黎越唔怕。頭圍 48.5 CM
體重 30 LBS （屋企磅）
身高 89.5 CM
上身長 26 CM
下身長 46 CM
手長 27 CM
腰圍 50 CM
手板 11.3 CM
腳板 16 CM
大脾 30 CM
全站熱搜
留言列表
西式甜品 (0)
