小歌的部落格

今次去旅行真係籌備得比較急，係希望大家小朋友係兩歲前搭飛機，機票可抵d

當確認哂機票住宿既時候，我就plan下行程，其中一日一定要去誠品信義，玩d紙黏土，陶瓷之類，跟住諗住有一日就去木柵動物園，

其實大溪花海農場都好想去，有d似北海道富田農場既感覺，但check過哂天氣話會落雨，知道動物園係冇乜瓦遮頭，驚如果落雨都幾麻煩。亦有人介紹兒童育樂中心，但呢個好似唔啱兩歲小朋友去，唯有乜行程都唔plan，去到睇天氣hea住去街食行玩。

竟然誤打誤撞去左三越信義店室內同室外場，真夠佢地玩成日，仲幾好玩添，放電一流

繼上次海晴1歲4個月去曼谷之後，今次1歲11個月去，真係帶少好多野，冇帶米，即食餸同暖壺，由得佢一齊食街外野，佢食過早餐buffet既野，飲過鮮奶，去夜市食左啖蚵仔煎，食過幾啖麻醬撈麵，食過街邊買既生果亦都食過一舊老天祿鴨心，食完仲想問我攞，我冇再俾，幸好整個旅程佢都冇病冇痛

係上機果日全日冇大便，之後兩日都係酒店廁所開大，仲好暢順

至於尿片方面，帶左10條吧，有淨左4條，坐巴士去搭飛機再去搭車到酒店，佢都有著片，係飛機仲叫左我幾次同佢去廁所殊，之後係酒店同埋第二日去信義商場都冇著片，總之方便搵到廁所就冇幫著，係煩d，一陣就叫話去廁所，但冇辦法

覺得唔知係咪就快trouble 2關係，一發脾氣就坐地／瞓地，唔肯走，一抱起佢就嘈，煩過細個時好多

因為都冇帶車仔同埋揹帶，一扭偈就的起佢

奶粉都帶少左，預佢每日最多3餐吧，最終係台灣時，佢共只飲左3餐（其實開左4餐，有一餐佢只攬住個樽）

細個時佢通常都係自己玩，今次同埋b do去，佢地兩個會主動叫對方拖住，有時會爭野玩，又有時識分享，發覺海晴見唔到b do都會搵b do一齊做／玩，今次佢地做左痴頭芒，都成日係埋一齊，大個女吧，有自己既朋友仔

同埋今次佢好痴佢姨姨，有時扭偈唔肯聽我講／拖我，佢都肯拖佢姨姨

今次3曰2夜
坐國泰
住君品
大人package ＄2,589＋＄630（稅）＝＄3,219
小朋友（0－2歲）＄480＋＄430（稅）＝＄910