小歌的部落格

曼谷五天遊終於個幾月後先寫完，真係多得新版既blog，真係麻煩左好多同慢左好多

而家只記得d野食好好味，間酒店好正

仲有剛收到要找lenaya spa條數既statement，總數明明係6,000B，對換率要HK$1,6XX，條數點計都係唔識計，唯有以後做SPA千祈唔好碌咭

當然唔少得關於海晴啦，今次同埋婆婆去，我同爹爹可以偷偷去拍拖都可以叫做休息下去嘆下，但有時就好<立亂>，我以為你拎左又或者佢以為我拎左咁，好多甩漏野，好彩海晴大左，就算冇焗粥都可以食出面既野，我自己又覺得就算去商場食，D野都幾乾淨丫......... 之前仲以為泰國冇野啱海晴食

另外覺得海晴都叫大膽左啦，肯同陌生人玩、打招乎，學識左SA WA DEE CUP，又學識左自己可以攞野食返埋位，夠膽去玩水啦

係泰國返左黎兩日後開始發燒左7日屙左十幾日，海晴嫲嫲就話海晴係泰國撞邪，話我地好帶海晴去，至於係點??? 信不信由你 

病果十幾日我帶海晴去睇醫生睇左5次，醫生話唔關去泰國事，睇到之後有次唔洗俾錢

俾我再揀，我都會照帶海晴去泰國



我只係買左咁少野咋......



係泰國機場偷運返黎既

係泰國果邊時時都係好飽，終可係泰國機場運番黎香港，亦都明白點解咁多人都會買上機或買返黎香港食，真係好好味



我至愛的泰國小食 (估唔到買番黎仲可以叫工人姐姐整，GOOD)

係BIG C買既，其實同香港買既差唔多味啦 (但海晴就係好中意食呢隻麵線)

我最愛的班蘭茶同香茅茶，用黎溝蜜糖，好好味 (我自己就最中意 CHAT既班蘭茶，而香茅茶就係下排第三個)

呢個係椰子糖，都幾有特色

呢個係泰國地道小食，記得對上一次去食貴貴既泰國菜，呢味亦係餐牌之上