曼谷親子遊2011 (Day 4)－小歌的部落格

呢日晏左落去食早餐，差不多十點先落去食，結果冇位要去遠少少既Bistro

每日既節目，我估海晴自愛去食早餐..................

食完早餐，我地直接去playroom玩，爹爹就去superich唱錢

玩左個半鐘，雖然地方唔係大，但每個區都幾多野玩，海晴玩得好開心，有佢最中意SIR滑梯同波波池
(唔知佢下次去，佢大左仲會玩D乜呢?? 可能泥膠可能畫畫)

抖左半個鐘，執齊行李攞揹帶，我地去對面siam paragon行街，本身諗住求其食D野，但唔肚餓又唔知食乜都係冇食

我、海晴、婆行超市睇下有乜值得物，阿婆就向住手信進發
到行完超市，海晴立即瞓左，好彩有帶揹帶

其實成個百貨公司，我地只對BB部(3/F)有興趣，見到有好多狗公仔，婆見海晴咁中意DOG DOG，買多隻俾佢替換，當我地睇緊有邊隻靚，真係花多眼亂，海晴瞓醒，我即放佢落地揀，佢呆左幾秒開始就好興奮咁揀，買到佢心頭好，佢就去到邊攬到邊

跟住我地行到前面，有個位類似冒險樂園，我地同海晴玩旋轉馬，一共有3隻，有個外籍人士帶佢囡去玩入左一個人錢，都即刻郁，益左海晴，為番起港幣$2，但玩左好耐。
之後我地同海晴玩搖搖車，一路玩一路餵佢食焗左既粥，係困住佢底下，佢都食左好多

諗住返去酒店食TEA，竟係商場遇到爹爹，原來係佢肚餓要去醫肚，跟住講好左，我地食TEA，佢行多陣返去瞓晏覺

海晴同新歡影相

玉桂糖

酒店送兩位TEA SET，睇佢細細份，原來都好飽

最低的是咸點

中間的是SCONE

上層的是甜點

因為海晴食左飯冇耐，所以冇耐性食TEA，要周圍走同搞野

食完TEA都四點幾，上左房執野，差不多五點鐘出發

我地今次去SIAM PARADISE NIGHT BAZAAR 夜市，因為 Suan Lum Night Bazaar (Lumphini) 執左，原來呢個新夜市係好遠，要181B(平時附近都係35B)，去到都18:00都仲係好多野未開或啱啱開，都幾失望

摩天輪係標記之一

等開舖中，呢度都好大下，起碼有十幾行咁樣既......

海晴上車瞓到落車

舖頭開得七七八八，其實都只係佔個場兩成

呢幾間拍住既開左，感覺好似好多野行咁.......

呢隻小狗仔，我都覺好得意呀

暫時都係呢間吸引到我，真好掛住Suan Lum Night Bazaar果陣夜市

我都忍唔住買左幾支

行行下忽時大雨忽時細雨，兼且海晴個焗粥既壺漏水，變左冇野食，跟住海晴又叫奶奶(果陣都19:45)，嚇到我地即去7-11買個蛋糕飛的返去SIAM

阿婆好烏龍買左個咖啡味既蛋糕，幸好海晴係的士肯食蛋糕仔，冇扭偈

搭的士去到前一晚siam square，係個度塞左好耐車，最終我地頂唔順，行返去siam paragon食飯