小歌的部落格

海晴@16M

又係我最早起身，上下網洗下野到海晴起身，九點幾落去食早餐，今次揀室外望住泳池景

有太陽傘同座地大風扇，如冇俾太陽直接射到既位，都OK唔算熱

因為坐出面怕佢熱，破例俾佢飲果汁同埋狂食西瓜 (一講到食，佢就好正經自己食)
 

佢開始坐唔定，捉佢去影相，呢套衫真係要短路程先可以著，因為過頭凹換片好麻煩



我都影下先，呢張爹爹影到我手臂瘦



呢張我肥好多，但海晴CUTE


好得意呀, 唔知係咪問阿婆攞野食呢?

食到十點幾上網即換泳衣落去玩水，係GAP買既泳衣好靚呀，原來海晴都幾襯天藍色，即刻BABY左

買左個兩百蚊既水泡唔用，係都要玩酒店提供既浮板



逢親上水就要著番件衫，飲水水好開心

佢成日都要爹爹媽媽係身邊，一唔見左爹爹，就叫<爹爹>，爹爹係後面泳池出現，佢就冧冧咀笑

跟住越行越埋，爹爹潑D水同佢玩，佢驚到擘大口避，但又要撩人玩



海晴好似睇海豚咁......



跟住覺得好口渴，就去叫杯野飲下 (海晴當時有得食生果串)

入去POOL BAR叫野飲

果期食日玩口水

---------------------------------------------------------------------

飲完杯野，都差唔多12:00，越黎越曬，即上房沖涼再出發



泳池邊好多雞蛋花執

諗住叫的士去Siam Square，BOY又話好近叫我地坐Golf Car去，係Siam Paragon 放低我地話行過Siam Discovery就到Siam Sqaure

呢個Siam Discovery有印象對上一次遊曼谷去過，係爹爹搵路當中，同海晴周圍影下相先



爹爹又影

去到最後差唔多點半都搵唔到siam square，我揹住海晴佢又瞓左，好驚等陣我同爹爹兩個出發去massage走唔甩呀，拿拿淋返酒店，我同婆婆行先，爹爹去買漢堡包餐俾佢婆，再到酒店房滙合我

我放低海晴落床，好好彩冇醒到，即刻閃

-------------------------------------------------------------------------------------------------

今次我地去果間係Thong Lo附近，都幾遠，我地搭的士去，但個司機唔識路，要停車問路人，原本我BOOK 兩點，三點多D先到

去到都有兩批香港人，呢間叫Leyana，係泰營友搵既，見到環境唔差，仲有好多package都做緊半價

好似每間的特色，都會奉上班蘭茶

我同希都揀左個 Strawberry Blush (3hrs/原價6,000 Baht)，有coupon就半價，我地帶唔夠錢要用credit card俾，要俾多3%



幫我地按摩既按摩師，佢地係門口等我地入去，我問可唔可以影佢地，佢即刻擺出咁CUTE既POSE

間房都幾好，好優雅唔係黑媽媽果隻

基本上我覺得都幾好，但同之前去果間DVN相比，呢間仲差D，係環境輸蝕吧，按摩師手勢好難講

但爹爹話差D係冷氣好大(出風口對住佢)，一路按一路凍，已叫較細D冷氣仍好凍，出風差



我地做完都六點，又有批香港人黎左

按完草球成身黃，一定要沖身先走得

按摩前已叫佢地幫我地叫定的士，我地按完等左陣都未黎，話呢個時間好塞車，最終我地坐佢架運貨車去Thong Lo站搭BTS返去，我地簡直歸心似箭，一到站即跑返去，因為已好夜，怕海晴扭偈

返到去酒店房，海晴仲瞓緊，婆話我地兩點幾走之後冇耐，海晴已起身，跟住玩到五點先再瞓

---------------------------------------------------------------------------------------------------------------------

又再去siam square，今次目的地係去食泰菜BAN KHUN MAE，係BLOG友見到有介紹，話又平又好味


終於搵到siam square，原來係siam paragon對面馬路既地舖果幾條街，識行既原來咁近



但爹爹搵到發脾氣，一直唔出聲係咁行係咁行，入到去泰館，人地俾佢坐六人枱又唔坐，要坐四人枱，跟住又發現張枱細又要轉六人枱，但俾人坐左了，變左最終要屈坐係四人枱，叫到成枱都係野食，要快快手清完一碟又一碟先夠位擺



帶定焗粥加包包餸，怕海晴有野唔食得，叫個waitress攞熱水黎，佢唔識英文又扮識，海晴等唔到，要食先，好彩D粥都叫熱熱地

我地叫左好多樣餸，有好多都唔辣，所以海晴都食得，佢最中意食蝦，就係咁樣，學識左講<蝦蝦>

原本諗住食Mango Tango(係泰館對面)，但真太飽食唔落了，我地就行下Siam Sqaure，果陣九點幾已好多間舖閂左，我地沿路行番去Siam Paragon再行返酒店，當做運動

Siam BTS & Siam Paragon 對出好靚，好多燈飾