小歌的部落格

我朝早8:00起身， 老公已煲好一餐粥，我就繼續執埋D行李。9:00開門俾鐘點，海晴9:30先醒，食支奶換埋衫/片走得

10:00出發，全程好乖女，肯坐CAR SEAT食餅餅睇歌

10:45到左機場，老公放我地+BB車係平時機場巴士落車果個位，因為佢泊2號停車場好遠.....

第一次到達機場

到左機場見到好多人拉喼，海晴眼定定睇，冇扭落BB車

當我去睇番班機資料，竟然話我知取消左，我即走去問空姐而家有咩機可以安排到俾我地啦

原定12:05起飛，改為坐國泰13:15起飛，因為我老公未到，我問可唔可以CHECK IN先，空姐準備幫我做機位，老公即到

海晴都頂唔順要落車行

走來走去，經過呢個欄，會自然DUP低個頭，好搞笑

係要食餅餅先靜止到，但佢老豆唔中意佢食咁餅，怕熱氣啦

過關時有小朋友同行係可排快隊，冇人排，爽

佢阿婆買既衫，佢覺得好得意啦..... 就幫海晴影張先

老公去買野食時，海晴都開餐

因為要遲上機，港龍就送左兩張價值$75既餐飲卷俾我地

我可能兩年冇去機場，呢度多左FOOD COURT同野食，我就食翠華，老公食正斗(唔記得影相)，仲買左個飽，當然最終都要補錢啦

到我地開餐，海晴梗係要一齊食啦，就俾左粒魚蛋佢食

食完梗係要幫海晴放下電先啦......... 呢度係GATE 23，特登黎

因為坐國泰要搭無人駕駛

一去到就走去彈琴....... (隔離個個碌好重)

同阿囡影影下相，有個類似賓佬走埋黎，我未講完：DON'T HUG MY.....，佢即刻抱起左我個囡，我立即嗌：DADDY，有人搶走我個囡呀

老公轉個頭埋黎，另一個賓仔邀請老公一齊影相，跟住海晴開始唔制，老公抱番，然後另一個賓仔又話要影，叫埋我一齊影

就係呢兩個賓仔

繼續放晴

海晴望到飛機喇....... 其實係望到D車係度郁來郁去

繼續肯坐車，GOOD

搭無人架駛又要落地，一齊扶住

去到機口俾空姐收埋架車仔，話會落機俾番我地

入到機艙勁迫，仲要坐埋邊窗口位，超窄(明明之前港龍係坐前排，會闊落D)

兩歲以下要用BABY BELT，即扣住我條SEAT BELT

架機係機場行來行去，未起飛海晴已瞓著，上機15分鐘後終於起飛

老公第一次去台灣，佢勁唔慣，話D空姐好趕，我答梗趕，因為派呢樣派果樣就要落機

我太飽冇食，老公話呢個肉醬多士都幾好味

仲有BB餐，但得果汁啱飲，其他海晴冇興趣 (之後到埗補影，所以呢位小朋友係醒左)

--------------------------------------------------------------------------------------------

台北 15-18度 天陰

去到台北機場，排快行隊過關攞行李同換錢出到去都15:30 (要重申一點係香港PRINT OUT兩張入/出台證，係冇需要再手填任何FORM)

我去買國光兩張飛，因為朋友話我知去桔子旅館可係門口落 (台幣250/2人)

因為係飛機瞓飽，坐車唔肯瞓，又要出動IPHONE同WORLD FAMILY

國光落車竟係天成落，又大風又凍，我揹住海晴推住BB車，老公就推住兩個大喼，勁狼狽，後尾我地落左地下街過對面三越，目的地係館前路<桔子旅館>

名為旅館顧名思義即唔係酒店，唔會有大大的大堂，大大的房啦，我老公梗係嘈巴閉。

當初我問哂人，人地叫我BOOK君品，係新開架嘛又係酒店。我老公又話佢同事介紹桔子好方便，間房又大。好彩而家唔係我話住呢間，否則就怨我，而家好啦，房唔大仲要冇WIFI (最終痴人地旅客既WIFI先可上到網)

當我地執緊D日用品出黎既時候，海晴係度自娛

之後我地諗住過三越超市睇下有咩買，落左一層見到FOOD COURT， 我好肚餓話要食D野先 (我係朝早11點幾食過至晏晝5點都冇食野，海晴就好D，坐國光時同佢老豆食左包)

D野唔好食啦，老公點o個份我都冇影相

我地搭的士去西門町行街

海晴勁中意睇人拋波啦

排隊買donut食，想買迷你版，又話賣哂，結果買左3隻大既，叫佢介紹啱小朋友食，要夠軟身，結果都係好甜

呢d碗好靚，真後悔冇加錢去換

呢隻係老公既，佢話甜到爆

可能係平日，條街唔算多人

叫老公買滷水我食，我勁中意食佢地既鴨腎 (呢晚已買左兩杯蜂蜜綠茶飲，我飲第一杯時，老公話好飲搶左去飲，我再係第二間買就冇咁好飲)

海晴想扭，可能肚餓，即過隔離7-11買個包俾佢食先

行左西門町一陣，就打的返酒店(印象中車費為番港幣廿幾蚊)，佢地電視有成一百零幾台，其中一個係日本台

特帶左個充氣浴缸同埋波波去，初初海晴好似平時咁玩水，後尾佢老豆驚佢凍，就用花灑淋佢，周圍淋又淋佢頭，搞到臨尾叫唔好，驚哂

之後我請佢飲juice，睇下佢幾開心

玩左個幾鐘22:00開支奶佢飲，過左陣聞到好臭，幫佢換片，屙水，我地好擔心，佢老豆已經話第二日要返香港，我叫話睇定d先。

平時係屋企，佢21:30食奶，碌下，22:00會瞓。諗住佢好快瞓啦，唔熄哂燈佢就坐係度指住，好啦熄哂燈叫佢老豆一齊瞓，我瞓中間，海晴繼續坐係度指住佢老豆笑笑口，搞左半個鐘都唔瞓，佢老豆都慶慶地(因平時佢唔係同個囡瞓嘛)，咁我叫話一齊唔好瞓住，搞好哂d野先瞓(消毒用具、準備夜奶、煲水、焗飯)，結果23:30海晴先瞓著

因為生保床關係又擔心海晴會唔會繼續屙，結果我同老公成晚醒，海晴就一覺瞓到七點幾先醒