小歌的部落格

晴天     12-20'C

在富良野ペンション列車HOUSE食完早餐之後, 我地就出發去富田農場，入口處有Tomita Melon House，旅遊書話開9:00，但我地到了仍未開門，我地係附近影了傻照 (2) (3)

當日好大風同好囇，進入到富田農場，比我預期見多的都算有花看(鬱金香花期是5-6月)，正常在7月期間是會見到花海，園地內的地圖都印有開滿花既圖示。我地用呢個拍攝方法，好似真係見到花海 (2) (3)，好彩都俾我地見到薰衣草，我地係園內慢慢遊覽，呢度 (2)遲都個多月就可以見到一片紫色，再行遠少少，見到大約有5-6棵開滿粉紅花的樹，可惜並不是櫻花，我當然要拍低到此一遊既相片啦，粉紅花樹後的田地長滿了可愛的花仔，類似太陽花個性，只會面向太陽

一直行見溫室種了薰衣草，當然我地走入去望下啦，我先知原來薰衣草都有幾個品種，今次我地見到叫濃紫早咲，好香的薰衣草味。突然來了好多講國語的團友迫入溫室，我地快走離開此處，出到外面小徑影相，影左好多張，其中一張扮型，好好笑

前面有棵開滿白花樹，我都唔知呢棵是甚麼名堂，突然有陣大風，花瓣吹下好似落雪，我地SET好腳架影相，仲擺左好多POSE，其中有兩張我地都好合拍，似影婚紗相

已行完整個公園，我去到商店 (2) 買左薰衣草茶包、糖同磁石，當然要試食薰衣草雪糕啦，係雪櫃見到有杯紫色疑似啫喱狀，好古怪呀

由中富良野出發，途經Popura Farm，哈蜜瓜上加雲呢拿雪糕，剛食薰衣草雪糕，實在太飽食唔落了，可以plan下一次去北海道的借口

我地係上富良野日の出公園逗留左一陣，去到又係冇花，知道呢個地點係日本新人會在辦結婚大典，很浪漫呢，我地不忘在呢個拱門自拍一番。由於在山頂的關係太凍了，我地影幾張相便離開，往美瑛出發

我地首先到美瑛市第一個景點是「哲學之木」，當中有小趣事，話說我地是輸入電話靠GPS到達我地每一個站，由於「哲學之木」附近沒有甚麼展覽館之類更本都沒有電話，唯有靠地圖去找啦，我地碰釘了，阿希情急底下：快輸入「哲學之木」既電話啦。我好快回應：唔會有人打俾「哲學之木」，所以係冇電話號碼 (我講完，我倆笑左一陣)。

無意中竟給希誤打誤撞在GPS找到「哲學之木」地標，我地順利去到。我一見到「哲學之木」感覺好震撼令人毛骨悚然，一片乾旱地中長出一棵約高十幾呎的大樹，感覺到佢有的生命力

我地下站想去的地方是 「Ken & Mary 」但又感到肚餓，最終我地到 Pension Ken & Mary Cafe 食午飯，我地點了兩個套餐，日式咖喱飯和雜菌意粉，尤其是意粉好好食，一點都唔肥膩，味蕾記住了希望下次我能實踐出來。Cafe 內分為室外和室內，室內由木建成，感覺好優閒；室外有個露台可一邊食一邊欣賞「Ken & Mary」。另外有地方可以供遊人拍照參觀(註：需要在cafe消費在可以進入)，當中有個千秋，我地童心未泯又去玩拍低傻相

「Ken & Mary」 之由名而來是1972年日產汽車Skyline，找來一男一女在此拍廣告而成名，其中展覽當年廣告之片段及相片

之後我地去「親子之木」，途經美瑛駅，好快就到了目的地。大家見到就明白點解叫「親子之木」，如一對父母和一位孩子的畫面

富良野、美瑛之旅告一段落，我地將要駛兩多個小時到達層雲峽已預訂的旅館 マウントビューホテル入住 (詳情見層雲峽黑岳Mount View Hotel)。中間遇到沙塵暴，最搞笑是我地關了窗都聞到洋蔥味

攀過山溫度比之前低了，終於經過兩多個小時到達層雲峽之黑岳，我地首先卸低行李，到附近走走，來到層雲峽溫泉街視察第二天上雪山之情況。

溫泉街類似小市鎮有多間旅館民宿，還有食肆和手信店舖，當時只是五點多，但街上已沒有人，走到黑岳登車站附近，終於俾我看到櫻花，但凋謝得七七八八了。經過有個免費溫泉足浴，我地當然沒有浸啦，寧願快返去食飯去澡堂浸番夠本。