小歌的部落格

第二日行程：

7:30起身 → 8:00 去49樓食早餐 (buffet來的，都算多野食有壽司、粥同埋其他例排款色如：粟米片、芝士、七八款麵包+鬆餅、腸、火腿、沙律)

 
 

一早真係食唔落咁多野，食食下仲想嘔添!

之後我地去左5樓游水，原先都有2個人遊水，無幾耐走埋，得番我同Icarus游水，好似我地包左場咁，我地仲影左好多相，因為我倆實在太肥，唔夠膽o係呢度獻醜!!

 好靚呀個泳池!

d頭髮咁乾o既?

綠波廊 (個日超多人，簡直人山人海)

九曲橋 & 濱湖

行得咁上下都成一點，好肚餓便去醫下肚，去左呢間幾有名<上海老飯店>，原本想點<醉蝦>，我個fd之前食過話d蝦仲o係生架，不過就醉左，講到好正咁，但呢間冇得食，便叫左其他特色野食o黎囉!

鴨舌、油浸筍尖

毛蟹抄年羔 (Icarus冇介紹錯)                                        幾多羔!!

醉黃泥螺 (好特別、好香酒味)                                        但佢個樣又真係好唔靚仔!

醫飽肚隨即去遊客區睇下，見到有一個擋攤o既叔叔o係度將條金線喬下喬下，話幾分鐘可以喬隻字出來，我見到唔係好貴，咪去整兩個字囉! 究竟係咩字呢? 登、登、登....

咪就係<鄧> <羅> 呢兩個字囉!

叔叔個樣好似好惡咁! 但其實佢好好人，因為我之後發現其中一塊裂o左，應該是我自己不小心整爛，後尾返轉頭同佢講，佢即時幫我換番個玻璃!

因為要趕住去下一場，故不會再往返城隍廟，我地唔理肥啦、飽啦，點樣都要去<南翔饅頭店>食蟹粉小籠包，個陣時都只不過係三點咋!! 原本諗住食o左飯，就到地下排隊買普通小籠包($15/16隻)，排o左一陣條隊冇郁過，Icarus話不如上去3/F坐得食啦! 又好，上到去又要排隊($25/16隻)，Icarus發現再裏面個度唔駛排，但要每人消費$60，Icarus好豪話唔緊要，話請我食!!

 

炸蟹球($8/粒)                                                                  糯米燒賣($3/粒)

主角第二貴o既蟹粉小籠包，皮簿、多汁、肉好實，真係超超超好味! ($50/6隻)

小湯包，裏面d湯實在太熱，搞度我條舌燙親，好濃郁雞湯味，啜完d湯+肉，不用食個皮! ($20/個)

Yummy~

星期一返工，老闆即刻俾份報紙我，話我已經食左文化遺產，原來係申請緊! 好搞笑!

第二站往步行街出發，之前我已經買左好多野，我同我個fd雙手都拎唔哂，好論盡呀! 但我媽吩咐我要買絲披肩，多野都要去買架啦，仲要去買食得o既手信 (鴨腎、桂花膏<我老闆中意食嘛!>)，但d商場真係好靚!

 好大支可樂!

 好靚呀! 後面個建築物!