close
一直唔中意陽光與海灘既我，竟然贊成去蘇梅，可能老左覺得囇黑都太不了啫
幸好今次排除萬難都去到，因為真係好hea好玩好食
帶左一大一中兩個喼去，無論去程同回程都爆喼
事關我帶左好多衫去，未計阿囡既睡衣幾件，只計出街衫都11套，鞋計埋著住去都有4對，癲。。。。。
我同爹哋d衫冇咁多啦，但都估有5－6套掛，嘻嘻
仲有頭上既飾物呢，海晴都有兩副黑超，生囡真係好好玩
今次食到盡 （呢六曰五夜裏食左hk＄4,800，如果唔係早機返，應唔止）
係咁既情況下玩到盡 （放煙花，放孔明燈，坐電單車啦）
其實冇外島遊冇浮潛冇做spa冇游水冇浸浴 （我老公有做spa，游水，浸浴啦）
因為我有左bb啦，係出發前兩星期發現有左。。。。
都有諗過唔去，但又唔可以延遲或退錢，唯有去到攤係床都抵
連醫生都話可以去喎，梗去啦，因為有排都唔可以去旅行，要盡地一舖
又食香蕉又飲凍野又飲椰青又食雪糕又食蝦
坐飛機坐電單車
幸好順順利利，bb快高長大，健健康康
去到蘇梅第三曰換上呢條裙，個肚大左，連老公都話脹左咁多既？
hehe，其實我放孔明燈既時候，許左呢個願呢
估整個旅程食住機票，2大1小，應該用左＄25,000
希望等小b出世後，一歲後，可以一家四口再去過蘇梅
全站熱搜
留言列表
西式甜品 (0)
