小歌的部落格

上篇講到我地去官也街搵野食，原本係諗住食葡菜，平版公雞又關門裝修，山度士環境麻麻又貴，我老公輸左$500，即刻話求其食茶餐廳算了

叫左個超平凡既墨丸麵，其中一粒墨丸仲俾人抽水

就係咁佢先肯食下佢既粥

另外叫左件葡式腸三文治，都幾惹味。另外老公話支菠蘿汽水好飲

裏面唔著條褲靚幾多，但冇計老公唔可俾海晴凍親嘛

唔知乜事咁開心，可能食飽掛..........

上一刻仲笑，下一刻就喊，小朋友真係小朋友

原本諗住去威尼斯人，但都成14:30，18:00又要去新葡京食BUFFET，結果我地決定返酒店HEA

我地一家三口返到酒店瞓左兩個鐘，又起身準備起行

呢期成日"O"咀

阿姨既袋仔真係好靚

女王幫我地BOOK左18:00，但因為我地截唔到的士，之後行過去，超趕。女王叫佢老公先行去攞位，好笑，女王抱住個仔係我地前面行，竟然佢老公比我地到埗冇耐.........

其實我地到埗，証媽佢地都一早到左 (佢地住氹仔果邊，比我地遲一日到澳門，既然咁橋，梗係約食飯啦)

呢間新葡京BUFFET好多野食，又抵食，所以要一星期前BOOK，真唔該哂女王，有咩野食，詳細見新一篇之 <新葡京BUFFET>

其實坐落冇耐，海晴同ISAAC都冇乜耐性，我要出動野俾佢搞

因為知道食BUFFET，所以冇整粥海晴食，瞓醒出門口時俾佢食左支奶，跟住係度食下包、飯、湯、蛋糕咁

睇下爸爸幾優閒可以慢慢嘆

請注意：ISAAC換上情侶裝

咁難得，影番張合照先，齊哂人

落到LOBBY，迫佢地影合照，但海晴超唔合作。之後我地就完左呢個兩個鐘之聚會，各自返歸

原本諗住同女王一家搭的士返酒店，但個的士佬可能見近同埋多人，話叫我地分兩架的士，咁我地一家都唔趕同埋想行下，女王就堅持坐番呢個衰的士佬架車返去酒店，佢話個的士佬越唔想去，就偏要個的士佬車佢返去酒店。好好笑呀

途中，我揹住海晴同老公直路行番酒店，跟住聽到海晴講<熊貓>，原來佢講左手邊既廣告牌呀，個刻我先知原來海晴對熊貓入左腦

返到去酒店，迫海晴一齊沖涼，又喊啦，出番黎都仲喊，原本諗住浴衣靚靚上鏡都唔得

晚上又係洗奶樽同準備第二日粥既時間