小歌的部落格

點解可以咁快去旅行?? 因為老公話開一歲生日會，海晴未ENJOY到，唔想嘥錢，同埋希望一家三口過，咁我地就揀左台北HEA下，因為短途機容易控制，就算扭都好快落機

今次去程都滿一大一小喼去，以前明明只滿小喼

呢幾日台灣都係落雨，溫度13-18度，都好大風，所以都帶左幾件褸仔去

衣：

一件羽絨、一件棉褸、一件室內棉夾衣、一件簿褸、一件厚背心、3件底衫露脾夾衣、兩套睡衫、3件面衫、3條褲/LEGGING、一打紗巾、3條口水肩、2件飯衣

帶埋晾衫夾專係洗紗巾同口水肩，發現紗巾都唔洗點用

-------------------------------------------------------------------------------------------

食：

帶左3樽大水去，專用來開奶同埋飲水用

其他焗粥仔，消毒/洗都係用番旅館煲既水同埋出外買既礦泉水兩溝

帶細罐庄既奶粉好處係用完一罐可即掉，唔駛嘥位，即棄樽更放便用完可掉；只係奶咀、轉接器要用消毒片去浸

另外我都有帶洗樽清潔水、清潔刷、奶咀夾去，用完過水，先再落消毒片浸一個鐘或以上(我有帶食物盒)，因為氯氣味好勁，我會再用滾水過一次

我個囡唔中意用原先既奶咀，所以要用轉接器再駁番CHU CHU咀用

至於固體

一餐米我會用袋入好，跟住每晚/每餐後，用水洗一洗米，跟住會倒入8成滾水焗，大約過4-5個鐘，米就會開花，我再倒掉米水，跟住落現成餸(我會再熱水浸熱)撈埋粥食

出街食既野

我會每日買提子包，等佢可以食包盡量唔好食我地個D野 (不過佢梗有食啦，唯有ORDER D啱佢食既野)

另外有帶佢最中意既餅同埋果汁，坐車/坐飛機可以食

-----------------------------------------------------------------------------------

到沖涼：

一早問定冇浴缸，因為係屋企少用花灑，所以都係買定個充器浴缸去，仲帶左佢平時沖涼既玩具去

台灣package (專業)

4日3晚 桔子+港龍

大人每位: $2,900 + $522 (稅)

海晴機票: $450 + $321 (稅)