小歌的部落格

因為未肚餓住，我地打的去復興站既SOGO行下............

見到台隆手創館，我地呢D咁崇日既梗係去行啦，最終都冇收獲，因為太重行李冇心機

(左上) 都幾得意 IPHONE 可駁做有線電話

行過呢間小王子餐廳，有蛋糕雪糕仲有馬卡龍，好得意呀，可惜我地計劃左去HELLO KITTY，唯有下次啦

出發行去HELLO KITTY SWEET CAFE

途經 <阿默>，老公唔知係邊度收料返黎，佢第一次黎台北嘛，佢就黎呢度朝聖買鳳梨酥 (我話佢知，其實阿默出名係手工蛋糕喎)

最終買左1盒金磚鳳梨酥、1盒黑磚鳳梨酥及1盒荷蘭貴族手工蛋糕

一路行一路問人，起碼問左4-5個人，初初又話向住果個方向，又話咩 89 LOGO，行左一段路問人又話繼續向前，另一個又話係後面

我老公梗係話搭的士，但估HELLO KITTY應好近，勁上車俾人拒載

後尾好彩我地問商舖既SALE時，有個女途人話我地知仲帶我地去，原來真係好近

門口已好夢幻了

其實我唔中意HELLO KITTY，只係海晴有D物品係HELLO KITTY，佢比較熟識KITTY

唔知係咪知道有CAKE CAKE食，所以好開心

幾冧，成日攬住我

一家三口影既生日相

後尾開始失控，行樓梯

周圍走

要捉住佢喇

下一篇會介紹HELLO KITTY CAFE，D蛋糕真係好靚好靚

因為我地下晝三點幾先到，所以冇得食咸食既LUNCH SET，得番TEA SET，我老公又麻麻地甜野，跟住又話貴呀又話漏咁，呢餐都成港幣三百幾，我又覺得係呢度同阿囡慶祝生日，幾貴都值得啦，都飛左過黎台灣喇，仲講話貴係咪太遲呢?? 去旅行PACKAGE唔貴咩???

係我望住捉番海晴既時候，老公話竟然呢度可以WIFI上網，跟住睇新聞見到日本大地震，個一刻我諗住唔大件事，因為日本成日都地震嘛，同埋最緊要捉住我個囡

我成差唔多五點幾返到桔子，開電視已經每台講緊地震海嘯，仲話會影響台灣沿岸，嚇到屋企人打黎問候我地

唉，睇住黑色既海水橫掃日本人既屋企，真好心痛

小朋友真係天真無邪，佢地只會無時無刻都咁開心

呢日係你生日，日本發生D咁既事真係好唔美滿，但我地唯有控制自己唔好睇咁多電視，繼續享受呢個旅程

媽媽希望你快高長大，身體健康，少病少痛，食得瞓得，世界和平

19:00又的去西門町，其實冇PLAN定去邊，老公見我第一日話想食牛陣就去

我地揀左涮涮鍋，每位都係台幣360，應該有加一，埋單台幣770，抵食

佢地既芝麻汁帶酸，麻麻地，除左豉油，佢地會有幾隻醋揀，莫非台灣人興食醋打邊爐??

同香港一樣都係豬腩肉好食過牛肉

佢地真係好有HEART，將D菜砌到成朵花咁

野飲任飲，地方不大，但服務員態度好，又識講廣東話

又係採用每人輪流食10分鐘，跟住另一個就陪阿囡走，好彩有度地方好空曠可俾佢走來走去。 (玩FLING水袖都咁開心)

食肉食到好漏，就去行街，我見到阿宗麵線，同老公講呢間都幾出名亦都幾好味，佢即走去買外賣，點知又忍唔住食兩啖先，佢都話好味

又走去老天祿買鹵水食

鴨腎真勁好味 (而家寫緊BLOG都好掛住)

返到桔子都21:00，老公先陪我地上房，再落樓下買水買蜂蜜綠茶

跟住返黎同海晴沖涼，唔沖唔得，因係室內熱成日出哂汗。佢沖完到我地沖，跟住又消毒食具呀、奶咀呀、煲水、焗粥

大家又係齊齊23:00瞓著