小歌的部落格

海晴八點就起左身，原本可以俾奶再瞓下(平時係咁)，但佢老豆慢吞吞，海晴就醒哂。我地唯有認命都起身梳洗啦.........

一早俾奶佢食，一個睇住佢，防止佢唔食奶落地，另一個就梳洗，跟住海晴食完奶就放佢落地，我地就做野，例如煲熱水、消毒食具、幫佢換片換衫、幫自己換衫、帶水杯、奶咀，咁就出發食早餐

三個之中佢瞓得最好，睇佢幾精神

搞掂都成九點半，跟住我地去桔子包既餐廳食早餐，首先過對面麵包舖買個提子合桃包俾海晴食

去到呢間丹提，俾COUPON佢，原來話我知唔係呢間，咁我地都照叫野食啦.....

ORDER完自己攞餐飲，跟住會送餐黎。等餐黎時，玩下海晴先，哈。

好啦，影張合照先啦

(左上) 問我要咩蛋，炒蛋定水波蛋，原來呢款就叫水波蛋，老公話CREAM CHEEZE加BAGEL好好味喎.....

(右上) 我覺得呢個牛肉包好好味呢....

(下) 點檸檬茶，冇鮮檸檬，係檸檬汁

我地開餐，海晴又開 (費事亂俾野佢食，佢食麵包就最好)

成個包食

返酒店hea下........

不斷搞搞震(應該扭眼瞓)

好喇，餵飽大小姐先

本身呢日plan去花博，但落雨變左我地唔多願郁，就去附近既書街行下先，其實我都係去左一間，黎過幾次我都只係去呢間建宏書店，有幾層既，一次過行哂

一出門口，揹住海晴極速瞓左，我先係地下個層快速望北海道書，睇到幾本好似幾啱就叫老公睇，跟住上2樓睇食譜書，海晴熱醒左要落地，我都冇乜心機睇，抱海晴落去B1睇兒童書(我老公睇自己書啦)

呢個小朋友不停行來行去，我睇下書又捉下佢番黎，勁忙。睇到最尾佢老豆黎看住佢，我先可以再睇下.....

未夠喉 (海晴好中意本貼紙簿，仲有一個系列但得一本仲要俾人貼過，我先冇買)

返酒店卸下D書前要去買胡椒餅，始終都係好好味

有人冇得食，呵呵

打電話問前台關於花博資料，其實都係想問下有幾個室內館，落雨仲值得去嗎? 佢叫我落去攞資料睇，話我聽室內館排好耐隊，唔建議我去

返到上房同老公講，因為門券係香港已買 (HK$80/張)，唔去好似唔抵，一係去度影幾張相閃。老公話反正我地冇地方去，就去望下啦

小朋友坐的士時又瞓左

好喇，到左喇，貪靚落雨都唔擔遮一陣(海晴有著雨褸，冇所謂啦)

雖然爭艷館(室內)條隊好長，排左10分鐘都入到去 (海晴仲未醒)

呢個館真係好多特別種既蘭花，另一篇再介紹

好啦，行多一陣海晴醒左，再叫人同我地影張一家三口先

我揹得佢耐，一來我攰，二來俾佢鬆下筋骨，放佢落地行，好彩個場都叫大，唔怕佢俾人逼到

兩母女同花爭艷，嘻嘻

好喇，DADDY成日都驚個囡口渴，不停叫囡飲水

已訓練有素，同佢講<噴泡泡>，佢會伸手出黎，之後自己搓手

我地睇完個爭艷館又覺得肚餓，FOOD COURT又露天，唔想係度食，我地又覺得睇夠，已想睇左蘭花了....... 其實花博有4個區，每個區又有館，起碼仲有15個景點，我地係行左十五分之一，好離譜 -_-

等的士時見到有間朱古力小店，裏面得三張枱，見可以外賣朱古力，就去試下.....

試左BROWNIE好味道，海晴都有得食，跟住我試左款有餡既朱古力，裏面係雜莓味，一咬爆漿，好味。店員仲話呢款朱古力上報紙雜誌，跟住我地買左呢兩款

跟住老公提議話去鼎泰豐，同的士司機講話去SOGO果間，佢建議去老店(即信義店)會近D

呢間老店有個公仔係門口

有兒童餐具，好CUTE

其實總共叫左兩籠小籠包，一個係原味，一個係蟹粉

我覺得原味好食D，但老公覺得蟹粉好食D，不過我地一致覺得香港既翡翠小籠包仲好味，呢餐都唔平，食左港幣三百幾

小朋友始終食下玩下就會易過D，我冇帶玩具係身，因為對佢黎講乜野都有得玩，如果我帶自己玩具去，佢玩一陣又冇耐性，隨手又掉左佢。有時叫佢請下你食咁，咁又可坐耐D，不過大人都係唔可以慢慢嘆，好彩我地兩公婆食飯食得好快