小歌的部落格

天陰   11-18'C

今次我地選擇搭ANA凌晨機去羽田機場轉機到新千歲，剛好我上機日(16號晚)係小茵旅行完返黎，我去到B出口接小茵機，仲影左張合照，小茵行李勁多

十年前搭過一次通宵機，今次再次挑戰，好似冇瞓過咁........ 睇住日出，最終到札幌已朝早八點幾，今次去番上年渡蜜月個間Hotel Gracery Sapporo，貪夠方便啦。

去到酒店又冇得咁早CHECK-IN，放低行李就去地下街醫肚 (2)行街，再行去大通公園薄野個邊，我同希分開行街，佢去睇衫褲鞋，而我就去Tokyu Hands，我當然有收穫啦雜貨

我行完呢座好攰打俾希約佢係街口坐下，我地休息時見到有人找人街頭拍照，原來唔係一定個個型靚先有得拍，呢類都有人邀請拍照

我地行返去札幌車站經過大通公園，我地就隨即影下相，有各種不同花 樹，一班女子坐係公園大家暢談賞花，好寫意

影夠相我地行返去搵食，途中見到馬車好大隻馬好古怪。

太肚餓喇，我地去左ESTA十樓食迴轉壽司，話係話100YEN(HK$8)，當然係分幾個價錢啦，海膽 帶子 折番都係HK$2X-HK$3X

食飽行左一陣返上房瞓陣，瞓醒後又行過去薄野狸小路行左陣，途經遇見B哥哥同B嫂，B哥哥真係好型，高我成個頭有多，帶住頂伸仕帽又高又fit。今餐決定去食蝦蟹合戰，上年又係o係呢間食過，我個陣叫左過套餐同今次差唔多，只係冇原隻蟹任食，上年太嘥話明任食，只係每樣食得1轉咋。今次蟹腳我地TOTAL食左3 rounds，勁

係便利店買左d宵夜、浴鹽返去酒店嘆下。酒店既沖涼用品配方係有綠茶喎，最搞笑話洗頭水同護髮路有骨膠原