小歌的部落格

晴  12-20'C

由於第一晚酒店係我自己係樂天度book，所以冇包食，我地自己去搵食，係地下街叫VIE DE FRANCE，希食燒雞PITTA，而我揀左個沙律吞拿魚多士，好好味熱辣辣

差唔多十二點，我地行番去札幌南口Nippon 攞車，係YARIS四驅車款(其實係我地酒店左轉向前行就見到)，去到俾passport同車牌啦，佢俾份野我地睇啦有關賠償等等，佢地仲會俾本中文版地圖 (即右個本，左個本係商務買，$48又有好多coupon，建議去北海道可買呀)

簡單教左我地用GPS，我地第一個出發點係北海道大學，因為聽聞仲有櫻花睇啦 (我之後check過話我地去既期間已落哂架喇)，去度遠處真係有幾顆粉紅色花既樹，行埋去睇原來唔係，d花瓣似康乃馨咁，我地影左幾張相，就去停車場 (整個北海道自駕遊我只係倒車楂左幾分鐘)

我地下一站係去富良野芝士工房去學芝士(Mascarpone Cheese)，我book左15:30，係北海道大學輸入工房電話，竟然話我地要15:45先到，我簡直成個癲哂咁，心想如趕唔切，我再book第二日朝早

天開始落雨，到點半鐘時我地有d肚餓同埋去廁所，就到左砂川休息駅叉下電先，呢個中途站就最多設施，有飯堂、手信店、勁多的售賣機、廁所，都好多人停係呢個休憩處

奇蹟出現呀，仲有29.6km到，話我15:30可以準時到呀。最終真係可以準時到啦，我去度俾錢(HK$66/1hrs)，得我一個上堂，希只係同我影左張相就走左出去周圍影，Miss話可以叫佢入黎幫我影相，但我已搵唔到佢了。雖然我唔識日文，但佢有張食譜韓文中文英文都有，咁Miss就用埋身體語言教我啦，其實都係勁easy，仲可將自己成品畫成自家品牌添 (詳情見 富良野芝士工房篇)

上完堂行左陣，試食&買左d芝士帶返香港，話其中一隻係著名的紅酒芝士 (想分享俾peggy)，跟住我地出發我預先定的民宿ペンション列車HOUSE (詳情見 富良野ペンション列車HOUSE 篇)，可能太過家庭式，希少又唔鐘意啦呻左幾句。

18:00要返去食飯，我地襯17:00天都未黑就周圍行下啦，經過富良野駅、麥當奴、富良野當地公仔石像、洋菓子店 (2) ，中途又忍唔住食左雪糕，話本地牛奶又香又滑嘛

夠鐘返去食飯喇，都幾豐富 (2)丫，天婦羅仲好熱好脆，個飯堂又係得我地兩個，以我地所知，仲有一個女人同另外兩個女友人住係呢間民宿，可能佢地出去搵食，因為我從未住過民宿都想感受一下

到我地食飽飯，19:30個天已好黑，我地楂車去富良野王子飯店內既 Ningle Terrance，係樹林中開左十幾間獨立精品店