小歌的部落格

星期一撘12:00 TURBO JET過澳門,好多人同埋真係好似機場仔咁辦理出境手續......

上到船真係唔係咁舒服,後面個個阿叔講電話好鬼嘈,如果唔係我想嘔,可能上演一幕<飛翼船阿叔>..

落船後即刻去<利澳> CHECK IN,可能新啦!都覺得幾靚、幾金碧輝煌

張床真係好大~

之後梗係去最出名<大三巴>逛逛啦!睇下星期一都幾人山人海!

好熱喎!喇喂!

個晚去左食地道葡菜~我都唔係好記得餐館個名!淨係記得在蘭桂芳附近~

點解我地會去???事原諗住去漁人碼碩,睇下有乜正野食~

一上的士,司機立即介紹漁人碼頭冇野食,問我地想食乜?我地梗係答食正宗葡菜啦!

結果車我地去個度食,一路上司機仲介紹<蓮花>、聖母、9:00-10:00火山噴火等等啦~直情仲左我地响導添!叫我地試下咖哩炒蟹、蒜蓉蝦、葡汁XXX、燒羊脾、馬介休、木槺布丁........ 真係花多眼亂,最終揀左以下幾款

個晚我地仲去左<金沙>賭錢添!無嬴無輸!我地嬴左o既時候,有條麻甩佬仲狗到話我地個籌碼係佢,工作人員話睇<camera>,佢先話係我地咋!

後尾我地仲去左漁人碼頭~當中有好多人扮鬼扮馬同人影相...夜晚去都幾浪漫..又播歌...好歐陸情懷(我地都諗住間新屋都整到咁呀)

-----------------------------------------------------------------------------------------------------------------------------------

第二朝諗住去食早餐(酒店已包),點知大家都睡過龍~

醒左係去酒店室內泳池玩,超凍呀D水~救命~

結果過了對面<鼎泰豐>食,好好味!紅燒牛肉面同台灣一樣!!YUMMY!YUMMY!蟹粉小籠包略嫌厚皮仲D,但好香蟹味!

由於大家好熱、好累!所以決定買完手信便早早結束今次二天一夜澳門遊!