---- 29M 飲左大半盒奶就出發去食buffet，超好眼，經過甜品區去座位，佢話有龍眼。我諗都要暫別下食buffet，呢兩個月食得太多了。自從佢婆放大假，發現佢出街行少左好多，佢指定佢婆抱，佢婆又唔拒絕，但若果得我一個，佢唔會叫我抱，自己行。今朝佢同爹哋對話「爹哋，我好掛住你，婆婆黎緊，我同婆婆食buffet，唔同爹哋去」佢爹哋話唔開心，佢即緊張答「我同你去，下次同爹哋去」。最近佢學左我講「痴線」，又要糾正佢。呢期好中意玩有軌道車車，剛才教我玩，話要用筆筆push，果然車行得好順，我讚佢好叻識得玩，可以第時教sado玩，佢話「教sado玩教姨姨baby玩」，同佢提過一兩次有bb存在，佢都記住左，叻
---- 29M1D 今朝同佢爺嫲食早餐，行到出哂汗，叫華田幫佢抺乾，跟住佢爺帶佢嘆冷氣，叫華田唔好跟住，又唔同佢著褸，我同華田講，如海晴病番唔到學，唯華田事問，兩個都令人激氣。今日肯跟番爹哋了，帶佢玩攤位遊戲，拋圈圈，跌哂落地，有張咭安慰獎，佢好失望咁話「海晴冇中，唔夠力呀」（叫佢爹哋開票交學費，爹哋話冇錢，佢即刻話「海晴有錢呀」，然後剿佢架車櫃桶，跟住又聽到佢講野「喂，華田，錢錢係邊？海晴唔知錢係邊？」原來佢扮打電話俾華田，又將電話水樽放落書包) 去買櫃桶放衫，佢見到床有樓梯，好興奮爬，我話第時等細佬大個，佢地兩個同一間房瞓，佢指住下格話sa do瞓，上格海晴瞓
---- 29M1D 今朝同佢爺嫲食早餐，行到出哂汗，叫華田幫佢抺乾，跟住佢爺帶佢嘆冷氣，叫華田唔好跟住，又唔同佢著褸，我同華田講，如海晴病番唔到學，唯華田事問，兩個都令人激氣。今日肯跟番爹哋了，帶佢玩攤位遊戲，拋圈圈，跌哂落地，有張咭安慰獎，佢好失望咁話「海晴冇中，唔夠力呀」（叫佢爹哋開票交學費，爹哋話冇錢，佢即刻話「海晴有錢呀」，然後剿佢架車櫃桶，跟住又聽到佢講野「喂，華田，錢錢係邊？海晴唔知錢係邊？」原來佢扮打電話俾華田，又將電話水樽放落書包) 去買櫃桶放衫，佢見到床有樓梯，好興奮爬，我話第時等細佬大個，佢地兩個同一間房瞓，佢指住下格話sa do瞓，上格海晴瞓
西式甜品 (0)
