小歌的部落格

------------------------------------------------------------------------

我、海晴同海晴婆一張床，海晴都瞓得幾好，半夜飲左一次奶。我唔知搞乜，朝早七點幾就瞓唔著，跟住攤係床上網，睇左陣新聞上完facebook，我就起身刷牙洗面、洗奶咀、焗粥，到八點幾我地起哂身，九點落去食早餐

之前reception小姐講過係另一邊食(大約都要行幾分鐘先到)，落到樓下隨即俾人截左入去Sra Bua，入到去燈光比較黑暗，海晴又叫<怕怕>，超快安頓佢兼帶佢出去攞野食，佢就唔怕了，逢親我地三個其中一個出去攞野食，佢必要跟住我地去

姐姐係度講解會有咩可以order食，佢就好留心聽 (留意：佢係帶住佢隻狗)

海晴真係好中意好中意食buffet

小插曲：我地食到尾聲，隔離枱換左四個中女新客，長頭髮果個一坐枱就waiter抺下個扶手先肯坐，標準港女，當正自己sex and the city??

我地對呢間酒店既早餐好滿意呀，雖然唔算好多野食，但款式算齊同埋好精緻

-----------------------------------------------------------------------------------------------

大約食到十點幾，我地返上房坐陣，諗住駛走爹爹等人送蛋糕黎，原先我同海晴諗住陪爹爹所以冇換泳衣，落到去bb池俾海晴踢下水，踢踢下想落深d玩水，搞到我要帶返佢上房換衫 (阿婆一直係房打機同埋執下張枱)

初初都驚驚地，因為d水都幾凍下

開始大膽

呢塊浮板係酒店供應，爹爹同海晴滑水，滑滑下上癮了

我發現相機冇乜電，上去房換電加我同海晴換泳衣，怕海晴要落水

中途我發現冇帶叉電器，我打去前枱問有冇叉電提供，佢話有olympus叉電，但唔知啱唔啱我model，跟住我地換完泳衣直接去前枱放低舊電再去游水 (爹爹話我地走左之後，有人送上一杯細細既薑味果汁，等唔到我就飲左了，佢話幾好飲喎)

換上泳衣，但呢件係上年阿婆買既，今年仍然都係大件既..............

原本海晴夠膽踩入水中，但佢爹爹唔捉實佢，等佢倒頭中入水，佢成頭成面都係水，跟住就怕怕唔夠再玩水了

我就同海晴坐低抖抖，跟住又有人派水同生果串

我同海晴上房沖涼先，等爹爹再游多陣，上到房冇耐蛋糕就送到，我再SET位加埋海晴同我寫既生日咭，等爹爹一返黎見到

睇黎海晴開心過爹爹，係opera咁，兩種質感既朱古力，好味但好漏

---------------------------------------------------------------------------------------

13:00 我地快手快腳出發去central world食飯行街

等坐酒店既golf car中，海晴周圍走

到左central world 7/F，求其坐低食，海晴瞓著左，可能玩水太攰，我地又揀海南雞飯，呢度都幾好味，有冷氣又抵食

就係呢個SET，係細碟左D

食完見海晴瞓得唔係咁舒服，我揹住佢行街等佢瞓得舒服D，跟住我同婆行，爹爹就自己行街

15:00 衰妹醒左，原先諗住坐得食野餵佢食粥，後尾又唔知食乜好，跟住求其坐埋一邊餵佢食，佢都食得幾多，可能多人行來行去俾佢有野睇

之後去左玩具反斗城，大就幾大又冇人幾好行，但搵唔到任何TOY STORY既野

我地係出面同婆婆分道揚鑣，佢要行街邊檔，我地繼續行CENTRAL WORLD

爹爹攰喇，我地坐得食少少野

爹爹既火雞卷好食過我果隻............

仲有兩杯美味飲品

行多陣街，原本想買對CROSS俾海晴，但佢去泳池玩水方便D，點知冇佢SIZE兼HK$3XX，所以即刻唔買

跟住落番地下GAP同婆婆滙合，買左件啱身既泳衣俾海晴，然後我地行返去酒店

返到去有人黎左執房，夆奉上山竹一盤，跟住見到我相機舊電係枱面，即刻睇下有冇叉電，原來係冇架，跟住我再剿多次行李，竟俾我發現叉電器係度，好耶。

跟住我地7點幾又出發去食爹爹生日飯，呢間係法國菜MESAMIS CAFE，我係香港已訂位

之前FB問沖哥去MESAMIS CAFE好定往年我地去過Le Pre Grill ，佢介紹我MESAMIS CAFE，果然冇介紹錯